លោកនាយករដ្ឋមន្ត្រី ហ៊ុន សែន នៅថ្ងៃព្រហស្បតិ៍នេះ
ប្រកាសថាក្រសួងសេដ្ឋកិច្ច និងហិរញ្ញវត្ថុសម្រេចឲ្យមន្ត្រីរាជការ
និងប្រជាពលរដ្ឋដែលមានប្រាក់បៀវត្សរ៍ចាប់ពី៨០ម៉ឺនរៀលឡើងទៅ
នឹងត្រូវបង់ពន្ធជូនរដ្ឋ។
ក្នុងពិធីចែកសញ្ញាបត្រដល់និស្សិតសាកលវិទ្យាល័យឯកទេសនៃកម្ពុជា (CUS) នៅកោះពេជ្រ លោកនាយករដ្ឋមន្ត្រី ហ៊ុន សែន មានប្រសាសន៍ថា កាលពីមុនមន្ត្រីរាជការ និងប្រជាពលរដ្ឋដែលមានប្រាក់ខែចាប់ពី៥០ម៉ឺនរៀល នឹងត្រូវបង់ពន្ធជូនរដ្ឋ ប៉ុន្តែឥឡូវនេះលោកសម្រេចឲ្យអ្នកមានប្រាក់បៀវត្សរ៍ចាប់ពី៨០ម៉ឺន រៀលវិញ ជាអ្នកត្រូវជាប់កាតព្វកិច្ចបង់ពន្ធ។ លោកថា លោកបានចារឯកភាពលើសេចក្តីព្រាងច្បាប់ថវិការួចហើយ បន្ទាប់មកនឹងត្រូវបញ្ជូនទៅរដ្ឋសភានៅសប្តាហ៍ក្រោយ ដើម្បីឆ្លងឲ្យបាននៅសប្តាហ៍ទី៤ នៃខែតុលានេះ។
លោកបញ្ជាក់ថា « ក្រោម៨០ម៉ឺនគឺអត់ជាប់ពន្ធទេ គ្រាន់តែប៉ុណ្ណឹង រដ្ឋត្រូវបាត់បង់ចំណូល១០លានដុល្លារ ប៉ុន្តែវាតិចតួចដែរទេ ដើម្បីឲ្យមន្ត្រីរាជការ កម្មករកម្មការិនីរបស់យើងមិនជាប់ពន្ធប្រាក់បៀវត្សរ៍ ព្រោះប្រទេសណាក៏ដោយក៏មានអាពន្ធបៀវត្សរ៍ហ្នឹងដែរ»។
VOD មិនអាចទាក់ទងសុំការអធិប្បាយពីរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ លោក អូន ព័ន្ធមុនីរ័ត្ន បានទេនៅព្រឹកនេះ។
ពាក់ព័ន្ធនឹងការសម្រេចនេះ អ្នកស្រាវជ្រាវពីការអភិវឌ្ឍសង្គម លោក កែម ឡី យល់ថា ជាការប្រសើរតែត្រូវមានទិន្នន័យសិក្សាស្រាវជ្រាវឲ្យបានគ្រប់ ជ្រុងជ្រោយ ដើម្បីឲ្យការអនុវត្តមានប្រសិទ្ធភាព។ លោកថា ការកំណត់កាត់ពន្ធប្រាក់បៀវត្សរ៍ត្រឹម៨០ម៉ឺនរៀលឡើង គ្រាន់តែអាចសម្រួលដល់ជីវភាពចំពោះអ្នកមានប្រាក់បៀវត្សរ៍តិចប៉ុណ្ណោះ ប៉ុន្តែមិនទាន់មានទិន្នន័យណាមួយបញ្ជាក់ថាជាចំនួនល្អ ឬក៏យ៉ាងណានៅឡើយទេ។ លោកថា «ទាល់តែមានគេហៅថាមីនីម៉ូម(ទាប បំផុប)សិន ប្រាក់បៀវត្សរ៍អប្បបរមាត្រឹមណា ព្រោះអីយើងអត់ទាន់មានកម្រិតប្រាក់បៀវត្សរ៍ជាតិមួយផង ហើយយើងអត់ទាន់ដឹងថាតើកម្រិតអប្បបរមាត្រឹមណា? គេយកកម្រិត៣០ភាគរយឡើងលើ កម្រិតអប្បបរមាដើម្បីជាប់ពន្ធ ប៉ុន្តែប្រសិនជាក្រោមនេះគេអត់យកពន្ធទេ ជាស្តង់ដារអន្តរជាតិ»។
ចំណែកប្រធានសមាគមគ្រូបង្រៀនកម្ពុជាឯករាជ្យ និងជាប្រធានសហភាពសហជីពកម្ពុជា លោក រ៉ុង ឈុន យល់ថាការសម្រេចនេះនឹងមានភាពល្អប្រសើរ ប្រសិនជាកំណត់តែលើប្រាក់បៀវត្សរ៍គោល ដោយមិនបូកបញ្ចូលប្រាក់បន្ថែមម៉ោង ឬប្រាក់បន្ទាប់បន្សំផ្សេងទៀត ដែលជួយសម្រួលដល់ការរស់នៅរបស់កម្មករកម្មការិនី ក៏ដូចជាមន្ត្រីរាជការដែលមានប្រាក់ខែទាប។ លោកបញ្ជាក់ថា «វា ធ្វើឲ្យមានការប្រសើរដែរចំពោះគ្រូបង្រៀនកម្មករមន្ត្រីរាជការ មួយចំនួនហ្នឹង ត្រូវបានរួចពន្ធ ប៉ុន្តែយើងសូមបញ្ជាក់ថា ត្រូវបែងចែកឲ្យច្បាស់ កុំឲ្យសរសេរទៅលើពន្ធប្រាក់ខែ ឬប្រាក់ឈ្នួលតែប៉ុណ្ណឹង វាច្របូកច្របល់ទៀតហើយ។ យើងចង់សំដៅថា ទៅលើប្រាក់ខែគោល ឬមួយប្រាក់ខែគោលរួមជាមួយប្រាក់បន្ទាប់បន្សំប្រចាំខែ»។
តាមការកំណត់ប្រាក់ពន្ធប្រចាំខែរបស់និយោជិត នាពេលបច្ចុប្បន្ននេះ កំណត់ថា ប្រាក់បៀវត្សរ៍ដែលមានចំនួនស្មើ ឬតិចជាង៥០ម៉ឺនរៀល(ប្រហែល១២៥ដុល្លារ)មិនតម្រូវឲ្យបង់ពន្ធទេ។ សម្រាប់ប្រាក់បៀវត្សរ៍លើសពី ៥០០ ០០០រៀល ដល់ ១ ២៥០ ០០០រៀលត្រូវបង់ពន្ធចំនួន៥ភាគរយ និងប្រាក់បៀវត្សរ៍លើសពីនេះតម្រូវឲ្យបង់ពន្ធពី១០ដល់២០ភាគរយ ទៅតាមកំណើននៃប្រាក់បៀវត្សរ៍។
បច្ចុប្បន្នក្រុមសហជីពកំពុងធ្វើការតវ៉ាទាមទារឲ្យមានការដំ ឡើងប្រាក់ឈ្នួលអប្បបរមាឲ្យដល់១៧៧ដុល្លារ (ជាង៧០ម៉ឺនរៀល) ដោយគេរកឃើញថា ចំនួននេះនឹងអាចធ្វើឲ្យពួកគេរស់នៅសមរម្យ។ ការសម្រេចថ្មីនេះ នឹងរក្សាចំនួនប្រាក់ឈ្នួលអប្បរមាដែលកម្មករទាមទារនៅរួច កាតព្វកិច្ចបង់ពន្ធដដែល៕
សរសេរមកកាន់កញ្ញា តាមរយៈ vicheika@vodhotnews.com
ក្នុងពិធីចែកសញ្ញាបត្រដល់និស្សិតសាកលវិទ្យាល័យឯកទេសនៃកម្ពុជា (CUS) នៅកោះពេជ្រ លោកនាយករដ្ឋមន្ត្រី ហ៊ុន សែន មានប្រសាសន៍ថា កាលពីមុនមន្ត្រីរាជការ និងប្រជាពលរដ្ឋដែលមានប្រាក់ខែចាប់ពី៥០ម៉ឺនរៀល នឹងត្រូវបង់ពន្ធជូនរដ្ឋ ប៉ុន្តែឥឡូវនេះលោកសម្រេចឲ្យអ្នកមានប្រាក់បៀវត្សរ៍ចាប់ពី៨០ម៉ឺន រៀលវិញ ជាអ្នកត្រូវជាប់កាតព្វកិច្ចបង់ពន្ធ។ លោកថា លោកបានចារឯកភាពលើសេចក្តីព្រាងច្បាប់ថវិការួចហើយ បន្ទាប់មកនឹងត្រូវបញ្ជូនទៅរដ្ឋសភានៅសប្តាហ៍ក្រោយ ដើម្បីឆ្លងឲ្យបាននៅសប្តាហ៍ទី៤ នៃខែតុលានេះ។
លោកបញ្ជាក់ថា « ក្រោម៨០ម៉ឺនគឺអត់ជាប់ពន្ធទេ គ្រាន់តែប៉ុណ្ណឹង រដ្ឋត្រូវបាត់បង់ចំណូល១០លានដុល្លារ ប៉ុន្តែវាតិចតួចដែរទេ ដើម្បីឲ្យមន្ត្រីរាជការ កម្មករកម្មការិនីរបស់យើងមិនជាប់ពន្ធប្រាក់បៀវត្សរ៍ ព្រោះប្រទេសណាក៏ដោយក៏មានអាពន្ធបៀវត្សរ៍ហ្នឹងដែរ»។
VOD មិនអាចទាក់ទងសុំការអធិប្បាយពីរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ លោក អូន ព័ន្ធមុនីរ័ត្ន បានទេនៅព្រឹកនេះ។
ពាក់ព័ន្ធនឹងការសម្រេចនេះ អ្នកស្រាវជ្រាវពីការអភិវឌ្ឍសង្គម លោក កែម ឡី យល់ថា ជាការប្រសើរតែត្រូវមានទិន្នន័យសិក្សាស្រាវជ្រាវឲ្យបានគ្រប់ ជ្រុងជ្រោយ ដើម្បីឲ្យការអនុវត្តមានប្រសិទ្ធភាព។ លោកថា ការកំណត់កាត់ពន្ធប្រាក់បៀវត្សរ៍ត្រឹម៨០ម៉ឺនរៀលឡើង គ្រាន់តែអាចសម្រួលដល់ជីវភាពចំពោះអ្នកមានប្រាក់បៀវត្សរ៍តិចប៉ុណ្ណោះ ប៉ុន្តែមិនទាន់មានទិន្នន័យណាមួយបញ្ជាក់ថាជាចំនួនល្អ ឬក៏យ៉ាងណានៅឡើយទេ។ លោកថា «ទាល់តែមានគេហៅថាមីនីម៉ូម(ទាប បំផុប)សិន ប្រាក់បៀវត្សរ៍អប្បបរមាត្រឹមណា ព្រោះអីយើងអត់ទាន់មានកម្រិតប្រាក់បៀវត្សរ៍ជាតិមួយផង ហើយយើងអត់ទាន់ដឹងថាតើកម្រិតអប្បបរមាត្រឹមណា? គេយកកម្រិត៣០ភាគរយឡើងលើ កម្រិតអប្បបរមាដើម្បីជាប់ពន្ធ ប៉ុន្តែប្រសិនជាក្រោមនេះគេអត់យកពន្ធទេ ជាស្តង់ដារអន្តរជាតិ»។
ចំណែកប្រធានសមាគមគ្រូបង្រៀនកម្ពុជាឯករាជ្យ និងជាប្រធានសហភាពសហជីពកម្ពុជា លោក រ៉ុង ឈុន យល់ថាការសម្រេចនេះនឹងមានភាពល្អប្រសើរ ប្រសិនជាកំណត់តែលើប្រាក់បៀវត្សរ៍គោល ដោយមិនបូកបញ្ចូលប្រាក់បន្ថែមម៉ោង ឬប្រាក់បន្ទាប់បន្សំផ្សេងទៀត ដែលជួយសម្រួលដល់ការរស់នៅរបស់កម្មករកម្មការិនី ក៏ដូចជាមន្ត្រីរាជការដែលមានប្រាក់ខែទាប។ លោកបញ្ជាក់ថា «វា ធ្វើឲ្យមានការប្រសើរដែរចំពោះគ្រូបង្រៀនកម្មករមន្ត្រីរាជការ មួយចំនួនហ្នឹង ត្រូវបានរួចពន្ធ ប៉ុន្តែយើងសូមបញ្ជាក់ថា ត្រូវបែងចែកឲ្យច្បាស់ កុំឲ្យសរសេរទៅលើពន្ធប្រាក់ខែ ឬប្រាក់ឈ្នួលតែប៉ុណ្ណឹង វាច្របូកច្របល់ទៀតហើយ។ យើងចង់សំដៅថា ទៅលើប្រាក់ខែគោល ឬមួយប្រាក់ខែគោលរួមជាមួយប្រាក់បន្ទាប់បន្សំប្រចាំខែ»។
តាមការកំណត់ប្រាក់ពន្ធប្រចាំខែរបស់និយោជិត នាពេលបច្ចុប្បន្ននេះ កំណត់ថា ប្រាក់បៀវត្សរ៍ដែលមានចំនួនស្មើ ឬតិចជាង៥០ម៉ឺនរៀល(ប្រហែល១២៥ដុល្លារ)មិនតម្រូវឲ្យបង់ពន្ធទេ។ សម្រាប់ប្រាក់បៀវត្សរ៍លើសពី ៥០០ ០០០រៀល ដល់ ១ ២៥០ ០០០រៀលត្រូវបង់ពន្ធចំនួន៥ភាគរយ និងប្រាក់បៀវត្សរ៍លើសពីនេះតម្រូវឲ្យបង់ពន្ធពី១០ដល់២០ភាគរយ ទៅតាមកំណើននៃប្រាក់បៀវត្សរ៍។
បច្ចុប្បន្នក្រុមសហជីពកំពុងធ្វើការតវ៉ាទាមទារឲ្យមានការដំ ឡើងប្រាក់ឈ្នួលអប្បបរមាឲ្យដល់១៧៧ដុល្លារ (ជាង៧០ម៉ឺនរៀល) ដោយគេរកឃើញថា ចំនួននេះនឹងអាចធ្វើឲ្យពួកគេរស់នៅសមរម្យ។ ការសម្រេចថ្មីនេះ នឹងរក្សាចំនួនប្រាក់ឈ្នួលអប្បរមាដែលកម្មករទាមទារនៅរួច កាតព្វកិច្ចបង់ពន្ធដដែល៕
សរសេរមកកាន់កញ្ញា តាមរយៈ vicheika@vodhotnews.com
0 comments:
Post a Comment